Dear Atty. Golo,
Napildi lagi ang mga Garcia sa Cebu. Nasuko kono ang mga botante didto kay ginganlag Oplok sa igsoon sa Governor. Unsa man nang Oplok? Lain pod nang Bangag? Ang taga Cebu mga “bright” kay napildi man nila ang mga dynastiya. Naa koy amigo Cebuano, giingnan ko niya nga ang taga Leyte, kabaw ray “bright.” Tinood tingali kay mora man ta’g kabaw unsay isulte sa “leader” motoo. Bright pa diay ang taga Cebu kay sa taga Leyte?
Independent Minded,
Eldred
Dear Eldred,
Usa ra ang “bright,” ang Guinoo lang (Mk. 10:18). Kitang mga tawo, mga Oplok, ig-agaw sa Bangag. Ang taga Cebu, na “challenged.” Dili ganahan tawgon og Oplok mao misukol sa “leader.” Kitang taga Leyte, bright na man ta kay motoo sa “leader” inig ingon “vote straight,” lupig ang kabaw. Midawat og kwarta sa dynastiya. Pahalipay kintahay, kinawat diay. Ang taga Cebu, mga Oplok nga Bright. Ang taga Leyte, mga Bright nga Oplok.
ImoAmigo,
Manny G. Golo
Manny G. Golo (EV Mail JUNE 9-15, 2025 issue)
