Dear Atty. Golo,
Dili jud lagi tinood ang Edsa kay di na man gani “holiday.” Dugay-dugay jud mo nailad kay 39 man kono ka tuig ang Edsa. 39 na pod katuig nailad ang mga tawo. Kana bang 200 ka mga kongresman nga mi impeached ni VP Sara, naglagot ko. Kapin 31 milyon gud me miboto ni VP unya tangtangon lang sa 200 ka kongresista. Si PBBM pod nagpada. Pwede pod mag rally ang 31 milyon sa Edsa aron ma impeach ang mga kongresista? Kon kaming 31 milyon moadto sa Edsa, basin malagpot si PBBM. Mao ni giingon “history repeat.”
DiliPailad,
Edad
Dear Edad,
Tinood ang nahitabo nga “people power” didto sa EDSA nga maoy nagpalagpot ni Pres. Marcos niadtong Feb. 25, 1986. Karong tuiga, gihimo kini nga “special working holiday.” (Proc. 727). Ang “impeachment” usa ka gahom nga gihatag sa kongreso aron pagpalagpot sa mga tag-as og pwesto sa governo nga nakahimo og dagkong kalapasan (Art. XII, 1987 Constitution). Dili ilad ang Edsa. Mitoo man gani ka nga ma “repeat” ang “history.” Okey ra ma “repeat” ang “history.” Ang pa-it, ang kailad sa 31 million ma “repeat.”
Imong amigo,
Manny G. Golo
Manny G. Golo (EV Mail FEB. 17-23, 2025 issue)
