Dear Atty. Golo,
Ngano kamo Katoliko, mutoo man sa Sto. Papa? Usa ray ato tuohan, si Jesus lang. Kay miingon ang “bible” nga usa lang ka Dios ang ampoan (Exo. 20:5), nailad mo? Si BBM me “attend” sa lubong, nailad pod. Diha ra bay estorya nga si Pope kono namatay kay nakakaon sa bugas nga tagbayente. Maayo pa ibalik si Tatay Digong aron malimpyo ang Pinas. Nagool jud ko nga gi priso siya. Di na ko ganahan mo kaon. Kadto iyang pagbalikas ni Pope, joke ra man to. “Bring him back home.”
VoteStraightPdp,
Frankie
Dear Frank,
Ang katawhan miila ni Pope Francis nga pangulo sa Simbahang Katoliko dinhi sa kalibutan. Wa siya ilha nga Guinoo. Usa lang ang Guinoo, og kana mao si Kristo. Peru, nagbilin Siya og simbahan nga gipangulohan sa Sto. Papa. Ayaw yaga-yaga-i si Pope. Iampo nato ang iyang kalag. “Fake news” na nga nahilo siya sa bugas. Ayaw na gool-gool. Kaon na, basin kuyapan ka. Aron di na ka maguol sa kang Tatay Digs nga pagkapriso, huna-huna-a lang nag “staycation” siya didto.
Imo Amigo,
Manny G. Golo
Manny G. Golo (EV Mail APRIL 21-27, 2025 issue)
