Dear Atty. Golo,
Grabe ang away ni Inday Sara og PBBM! Ang naka-ingon ani si Liza man kaha kay nangabugho, tinood? Naa pod si Agaw Martin kusog mag-apil-apil. Tambaloslos kaayo. Gusto mag Presidente. Ila paangkonon si Atty. Lopez nga gilabtan ni VP Inday ang “confidential fund.” Di na man na pwede investigahon. Kon ila inbestigahon, di na na “confidential,” tsismis na na. Maayo pa mitoo si Inday ni Tatay Digong. Siya unta ron ang Presidente. Na “insecure” na si Liza. Di man kaha siya ang “first love” ni BBM, tinood?
DiGusto’gTsismis,
Marites
Dear Marites,
Ang congreso nag investigar sa paggasto sa “confidential fund” sa opisina sa Vice President og sa Department of Education. Kini gihimo “in aid of legislation” nga gitugot sa Batakang Balaod (Art. VI, Sec. 21, Constitution). Bahin sa “love life” sa atong mga “leaders”, personal na nila nga katungod og way labot ang lungsod. Apan ang “confidential fund”, kwarta sa kaban ng bayan. Bisan kon “confidential,” ang paggastos dili abusahan (COA Circular 92-385). May labot ang katawhan kon “confidential fund” ang hisgutan.
ImongAmigo,
Manny G. Golo
Manny G. Golo (EV Mail November 18-24, 2024 issue)
