Dear Atty. Golo,

Kompleto ako New Year kay naka-uyab ko, gwapo. Ako gipulihan ako bana, 4 ka tuig na me buwag. Wa na me “communication.” Pag “covid” miuli sa ila wa na ko balika. Maayo ra pod kay ara ka sugarol. Pwede na man kono pakasal utro kon 4 ka tuig nawa ang bana, tinood? Nagbuwag pod kono si VP og iya bana? Isog man si VP, ako “idol.” Si PBBM, wa magbuwag ni Liza? Under man gud na si PBBM. Ang ako “new year resolution,” mag-uli unta si VP og iya bana.

Kaminyoon,

Asun

Dear Asun,

Ang pwede magpakasal ug utro kon ang kapikas nawagtang sa labing menus 4 na ka tuig kon duna kay reasonable nga pagtoo nga siya patay na. Peru, mo “file” pa ka og petisyon sa korte para ma deklarar siya nga wa na (Art. 41, Family Code). Ang imo “new year resolution” ikaw ang mobuhat. Ang pag-uli sa laing tawo, ila kanang resolution. Wa ko kahibawo kon tinood ba ang imo tsismis bahin ni VP. Maayo pa ang imo “New Year Resolution,” ang imo bana maoy imo pangitaon.

ImoAmigo,

MannyG.Golo

FromMatalomWithLove

Manny G. Golo (EV Mail Dec. 30, 2024-Jan. 5, 2025 issue)