Dear Atty. Golo,
Ngano motoo man mo nga nabanhaw ang Guinoo sa ika 3 ka adlaw nga duha pa man? Namatay si Jesus pagka Viernes. Ang ikatulo ka adlaw, Lunes pa. Wa kaha mo masayop? Nakakita lagi ko sa tiktok nga si Quibuloy anak sa Guinoo. Maayo pa moboto ko niya kay bootan. Motoo jud ko sa “vlogger” kay gwapa man. Mo “vote straight” gihapon ko kay mao man “instruction” sa amo “leader.” Niadto 2022, tag usa kalibo ang hatag sa Team Unity. Maayo unta tag dos mil na aron madato ta, ha..ha..
TeamUnitySaUna,
Agata
Dear Aga,
Ang usa ka libo imo nadawat, dili hatag. Bayad to sa imo boto. Nabungkag na ang Team Untiy. Ang nabilin, Team One-half na lang. Inig kabungkag na pod, ang mabilin Team One-fourth na lang. Ang Guinoo nabanhaw sa ika tulo ka adlaw. Ipha gunad Viernes, Sabado og Domingo, ang Domingo ikatulo. Tuo, ayaw duhaduha. Ang Guinoo maoy nagsulti nga mabanhaw siya sa ikatulo ka adlaw (Mat. 16:21). Tuo sa Guinoo. Ayaw tuo sa imo “leader,” botboton pa na nimo,hu..hu…
ImoAmigo,
Manny G. Golo
Manny G. Golo (EV Mail APRIL 14-20, 2025 issue)
