Dear Atty. Golo,
Tinood nag eleksyon kono sa una unya pilde si Jesus ni Barabas, mao diay gilansang si Jesus sa krus. Nag “unite” man kono si Barabas og Estas, diha na diay “team unity” sa una? Di ba kawatan man to si Barabas. Ang mga tawo sa una, ganahan og kawatan kay kusog manghatag. Karon pod ang mga tawo ganahan og kongresman. Kinsa gani tong kawatan nga gipasaylo ni Jesus? Okey ra diay mangawat kay pasayloon man? Si Jesus gibugalbogalan sa mga sundalo. Okey pod nganlan atong Guinoo og estupido? Ngano di Siya mobawos?
DaliMalooy,
Pastor Eboy
Dear Pastor,
Gipapili ni Pilato ang mga tawo kinsa gusto nilang buhian, si Jesus ba o si Barabas. Si Jesus nagsangyaw gugma og pasaylo. Samtang si Barabas simbolo sa kwarta og kamaldito. Guisuportahan pod si Barabas sa mga dagko sa ila governo. Mao nga ang mga tawo mipili ni Barabas. Ang kawatan gipasylo ni Jesus didto sa krus mao si Dimas (Lk 23:43). Kay nagbasol siya. Dili okey ang pagpangawat, supak kini sa sugo sa Guinoo (Ex. 20:15). Ayaw bugalbugali ang Guinoo (Ex. 20:7). May mitawag Niya nga estupido, toa sa ICC na priso.
Imo amigo,
Manny G. Golo
Manny G. Golo (EV Mail APRIL 7-13, 2025 issue)
