Dear Atty. Golo,
Naglagot ko ni Pimentel, pataka lang siya’g ingon nga pwede pa ipadayon ang “impeachment” bisan “expire” na ang ila “term.” Insakto si Bato kay ipa “dismiss” ang “impeachment.” Nakadaug gud si Bato. Si Pimentel, napildi. Konsehal diay ko sa amo lungsod. Expire na aho “term” karong June 30. Expire na pod aho utang. Wa na man ko sweldo ibayad. Asa man ko mangawat. Di ba kon mamatay, impas tanang utang. Ang ako “term” kay “expire” na man, mora na pod ko namatay. Kon dili maimpas ang utang, maayo pa matay.
Gilimbongan,
Konsehal Pangan
Dear Konsehal,
Ang “impeachment” usa ka proceso batok sa mga tag-as og posesyon sa governo nga nakahimo og dagkong kalapasan (Art. XI, Sec. 2, 1987 Constitution). Bisan mo “expire” ang termino sa ubang Senador, ang “impeachment” magpadayon kay ang mga “Public officials must, at all times, be accountable to the people” (Sec. 1, ibid.). Wa mag pataka si Pimentel. Bar Topnotcher na siya. Ikaw ang nagpataka. Ayaw na lang paghisgot og “impeachment” kay wa ka kasabot. Bayare imo utang, kay kasabot man ka dugay pa ka matay.
Amigo,
Manny G. Golo
Manny G. Golo (EV Mail June 2-8, 2025 issue)
