Dear Atty. Golo,
Sa una, wa ko motoo nga naay inferno. Peru, pagkadungog naho ni Duterte pag “senate hearing” naghisgot og ‘inferno” motoo na ko. Peru, di ba kaha to “joke” kay si Duterte sige ra ba mag “joke.” Pareha sa “Davao Death Squad” joke ra man diay to ni Duterte. Sa una pod mag “jetski” sija sa Spratly, “joke” ra pod. Ngano ila pa man gilabtan si Duterte nga nanahimik na man na siya. Wa may EJK ba, kadtong nangamatay mga durugista man to nga “nanlaban.” Pag “attend” ni Tatay Digong sa senado, ang mga senador misaludo niya. Gipakpakan siya sa “audience.” Nag “joke” lang ang senado?
BisanUnsaonDuterteGihapon,
Mr. Sisen
Dear Sir Sisen,
Wa mag “joke” ang senado. Nag investigar sila “in aid of legislation” sa lapad og laktod pinatyanay atol sa administrasyon ni kanhi PRRD. Liboan ang nangamatay nga inosente ug gatosan ang mga bata. Ang ilang mga paryente nangita’g hustisya. Dili angay mag “joke” sa seryoso nga “issue.” Bahin sa inferno, tinood kini. Matud pa sa Pinadayag 21:8, ang mga “murderers”, ubpn. itambog sa lawod nga kalayo. Pag “senate hearing” gihagit ni Duterte si Sen. Risa nga mag-abot sa inferno. Mibalibad si Sen. Risa kay wa siya’y plano moadto didto. Ikaw, basin ganahan ka mouban sa imo idolo.
Imong amigo,
Manny G. Golo
Manny G. Golo (EV Mail October 28- November 03, 2024 issue)
