Dear Atty. Golo,
Traydor jud na si Vangag. Iya gipakidnap si Tatay Digs. Nagmahay jud ko nga miboto niya. Mitoo man gud ko ni Inday. Nagbuwag gud me sa ako bana tungod sa politika. Kakampink man tong ako bana. Karon, makig-uli siya nako. Di na ko kay naa na koy kaipon, Pulis, dako og sweldo, ganahan ko kay sige paboto. Ikiha kono ko sa akong bana kon di ko makig-uli niya, makiha diay ko? Wa man gani ikiha si Honeylet ni Elizabeth. Kon ikiha ko sa akong bana, “politically motivated” ning iyaha. Tambage ko be.
CoordinatorTeamUnity.
Charity
Dear Char,
Ang imo Tatay Digs wa kidnapa. Gidakop siya tungod sa Arrest Warrant sa ICC og Red Notice gikan sa Interpol. Nag-atubang siya sa kaso nga Crimes Against Humanity. Nag “Pre-Trial” niadtong March 14 og ang “Confirmation of Charges” karong September 23, pohon. Bahin nimo, pwede ka makasohan og Adultery (Art. 333, RPC). Ayaw diha’g mahay-mahay. Respetohi pod ang atong Presidente kay miboto baya ka niya. Ayaw siya hinganli’g Vangag. Ulia hinoon ang imong bana, basig gimingaw na to sa imo.
ImoFriendSaFb,
Manny G.
Manny G. Golo (EV Mail March 17-23, 2025 issue)
