Dear Atty. Golo,
Tinood si McArthur taga Bohol? Kay iya man gituman ang iya sa-ad nga “I Shall Return.” Kon wa pa mo “return” si McArthur, sakop gihapon ta ron sa Japan? Okey ra man tingali masakop kay na-usab na ang panahon. Niadto kon naay Hapon, moingon “Hapa.” Karon, kon naay Hapon, moingon “Hayang.” Gibiyaan lagi ko sa akong Bana. Taga Bohol man unta, wa man mobalik. Bisan palahubog si Gorio, gimingaw ko niya kay kosog man mangoot. Pwede ako siya ikiha og VAWCI. Ang iya Nanay maoy kontrabida, pwede iapil pagkiha?
NothingGonnaChangeMyLoveForGorio,
Rosario
Dear Rosario,
Si Gen. Douglas McArthur didto natawo sa Little Rock, Arkansa, U.S.A. Iyang natuman ang sikat niyang sa-ad nga “I Shall Return.” Ambot kaha kon unsay nahitabo kon wa pa siya mobalik. Peru, kay napildi man ang Japan sa guera, dili na jud ta masakop nila. Ang mga Bol-anon buotan. Kon mosaad, ilang tumanon. Peru, dili tanan, apil na ang imong bana. Kon ikiha siya nimo og VAWCI, siya lang, way labot imo ugangan (RA 9262). Peru, gimingaw man kaha ka ni Gorio, ayaw sa ikiha. Aron siya ganahan mobalik, pag hayang-hayang.
Imong amigo,
Manny G. Golo (EV Mail October 14-20, 2024 issue)
