Dear Atty. Golo,
Nasuko ang ako asawa nako kay dili ko mobotar sa mga senador ni Marcos. Magboot diay siya nga Duterte man ko. Wa ko niya paduga. Maglagot gani ko, moadto ko ni Mare. Sa wa pa mag-away si Bongbong og Sara, wa pod me mag-away sa ako asawa. Karon, nag-away sila, nag-away man pod me. Dapat ang ako asawa motu-o nako kay ako gu’y bana. Maayo unta kon magka-uli si BBM og Sara sa wa pay eleksyon aron dili na me mag-away ni Cordapia. Ngano nag-away man si BBM og Sara? Kon mag-uli sila, kinsang senador ang among botohan, kang Marcos o kang Sara?
LeaderTeamUnity,
Marty
Dear Marty,
Si VP Sara gipasanginlan nga iya giwari-wari paggasto ang minilyon nga “confidential fund.” Si BBM pod ila gisaway kay ang iya “confidential fund” mas dako kay binilyon man. Angay pod siya investigahan. Nag-away sila sa kwarta nga dili ilaha. Kwarta na natong magbubuhis nga gilabtan nila. Ayaw na lang mo pag-away sa imo asawa kon kinsa inyong botohan nga senador. Kon moboto mo sa mga senador nila, magpadayon ang kinawatay nila. Maayo pa mangita ka og kandidato pagka senador nga independente, ligdong og maantigo. Nailad na ka’g kausa. Ayaw na pakaduha.
ImongAmigo,
Manny G. Golo
Manny G. Golo (EV Mail Feb. 24 – Mar. 2, 2025 issue)
