Dear Atty. Golo,
Coordinator ko sa Team Unity sa una. Ganahan jud ko magka-uli si PBBM og VPS kay wa pa ko kadawat sa “gold.” Di ba ingon man si VPS nga iya ipapatay si PBBM, Liza og Martin sa “sniper,” maayo unta ang “sniper” miapil niadtong rally sa INC. Ang “gold” kono nahimong Akap, tinood? Ganahan unta ko mag Iglesia kay “united” sila, peru tinood ang INC dili motoo nga si Jesus Guinoo? Posible ba ang Iglesia moboto ni Quibuloy? Unya, motoo ang INC nga si Quibuloy anak sa Guinoo? Nus-a kaha ipanghatag ang “gold”?
IcanWaitForever,
Peter
Dear Peter,
Ang INC wa motoo nga Guinoo si Jesus. Di pod tingali motoo ang INC nga si Quibuloy anak sa Guinoo. Kon moboto ang INC ni Quibuloy, kini tungod sa Order sa ilang labaw. Bahin sa “sniper” kon INC siya, basin me attend sa rally. Bahin pod sa “gold,” ikaw ang dapat nahibawo ana kay “coordinator” man ka. Ang AKAP hinoon, mao nay gitawag Ayuda para sa Kapus ang Kita Program (GAA 2024). Ayaw kabalaka kay wa malabti ang “gold” sa Akap. Ang Akap para sa mahirap. Ang “gold” para sa “sniper.” Ps don’t sleep forever.
ImongAmigo,
MannyG.
Manny G. Golo (EV Mail JAN. 13-19, 2025 issue)