Dear Atty. Golo,
Kadungog lagi ko ingon ang Pare maglipay bisan magul-anon, pwede diay? Naa poy maguol bisan malipayon? Mora’g binali. Pareha sa sabongero, bisan nakadaog moingon pilde. Maayo pa si Kongresman kay mangihatagon, mag pa “raffle” para pinaskohan. Inig eleksyon, manghatag og kwarta, dos mil basta “straight vote.” Way pilde-pilde, gunad pa iya Lolo, Mama, karon siya na. Ang among karsada pod, way human-human. Siya ang “contractor.” Dako jud ginansya. Wa lagi ko kakita niya nga motingog sa “senate committee hearing.” Sagdi lang basta perme manghatag pinaskohan.
ExcitedModawat,
Miss Korakat
Dear Miss Kora,
Basin nakadungog ka sa wali sa Pare sa ikatulong Domingo sa advento nga “Gaudete Sunday.” Ang pasabot nga maglipay kita taliwala sa mga problema. Angay ta malipay kay giluwas ta sa atong Guinoo nga nagpakatawo. Ang tinood nga kalipay naa sa gugma nga molungtad, dili sa kwarta nga mahanaw. Si Kongresman nakalapas sa “Anti-Graft & Corrupt Practices Act” (RA 3019). Pag eleksyon mamalit og boto. Pag lingkod, mangorakot aron mabawi ang gasto. Inig Pasko magpa “raffle,” manghatag kintahay, kinorkot diay. Bentaha pa ang sabongero, di kawatan, botboton lang.
Imo amigo,
Manny G. Golo
Manny G. Golo (EV Mail December 9-15, 2024 issue)
