Dear Atty. Golo,
Diha man kahay mga politico sa ato nga didto sa Israel na “stranded” sa gira didto kontra Iran. Nag “seminar” kono sa “agriculture.” Di ko motoo. Nag soroy-soroy to sila didto, atong gasto. Bag-o pa’g eleksyon, dako og ginansya. Ang ila palit sa boto dili pareha. Ang uban lungsod P 5,000, ang sa amo P 500 ra. Gipigtingan to nila. Dawat lang gihapon, wa man tay mahimo. Ang amo pod Kapitan, adto mag “seminar” sa Boracay kay kon anhi sa ato, dili kono kasabot. Botbot.
Naglagot,
Mrs. Bebot
Dear Mam Bebs,
Segun sa balita, 21 ka opisyales sa ato governo ang na “stranded” tungod sa gubat sa Israel og Iran. Nag “study-tour” kono sila aron maantigo unsaon pagpadaghan sa gatas sa baka. Nakauli na sila. Naghisgot ka sa palit sa boto nga dili pareha ang presyo. Ang boto dapat dili ibaligya (Sec. 261, BP 881). Binilyon ang gasto sa governo aron lang ka makaboto. Peru, imo gibaligya ang boto sa kurap nga politiko. Kadto imo nadawat, kinawat. Ang sobra sa kinawat, giki-at ki-at.
ImoAmigo,
Manny G. Golo
Manny G. Golo (EV Mail JUNE 16-22, 2025 issue)
