Dear Atty. Golo,
Sa besperas sa “valentines,” gisugot ko sa akong textmate. Pagka liwas, gisogot pod sa ako ka chat. Joke ra tong ako. Ang mga babaye dali man motoo. Kabati ko ni Duterte miingon patyon ang 15 ka senador. Joke pod tong iya? Mag-atubang me sa Lupon kay gikiha ko sa ako silingan kay ako gikawat iya manok. Ma priso ko? Pwede moingon ko nga joke lang tong ako. Ngano kon politico ang mangawat di man ma priso, joke pod nang ila pangawat? Kon akong bayran ang manok, di na ko ma priso? Mangayo ko ni Mayor pambayad kay niadtong eleksyon tagsa kalibo man ang iya hatag.
HadlokMaPriso,
Lando
Dear Lando,
Kon modawat og bayad ang tag-iya sa manok unya dili na siya mokiha, di na ka ma priso. Apan kon mokiha siya, posible ma priso kay kay na “consummate” na man ang krimen (Art. 6, 3815). Ayaw katoo sa joke sa mga politico kay di na tinood. Ang uban, pa “cute-cute” aron modaog. Ayaw pod ka gara nga gisogot ka sa imo uyab kay basin joke ra pod tong ilaha. Ang mga politico nga nangawat wa ma priso kay wa may mikiha. Kadtong nadawat nimo pag-eleksyon, palit to sa imong boto. Kadtong usa ka libo, kinawat to. Imbis ka mo reklamo, mangayo pa man ka og utro. Maayo pa nimo ma priso.
Imong amigo.
Manny G. Golo
Manny G. Golo (EV Mail FEB. 10-16, 2025 issue)
