ORMOC CITY – Sikop ang usa ka gwardya human napaliti sa illegal nga drogas pinaagi sa police nga nag pakaaron ingnun nga kustomer.
Ang subject sa buy-bust operation mao si Romeo Habuhab, Jr. y Raga alyas “Meo”, 26 anyos, ulitawo nga taga Housing Village sa Brgy. Margen ning dakbayn.
Nasikop ang suspek mga ala una sa kadlawon niadtong Augosto 24 didto sa Purok 15, Brgy. Linao, Ormoc City. Si Patrolman Godemar Uy ang nag silbing poseur buyer nga nipalit og balor usa ka libo ka pesos nga shabu.
Nakuhang ebedinsya gikan sa security guard ang usa ka libong kwarta o ang buy-bust money, duha ka gagmay nga plastic o sachet sa gidudahang shabu, itom nga pitaka, green nga papel, ug doroco blade. Ingon man ang salapi nga nitotal sa kapin og usa ka libo ka pesos (Php 1,041) og ang single motorcycle. Si Kagawad Edgardo Dimas sa Barangay Linao maoy nisaksi pag representar sa barangay officials.
Ang on-scene inspection gipangunahan ni PMAJ Michael M. Duran, ang hepe sa Police Station-4. Samtang ang maong joint operation gipangulohan ni PLT Ramil Caldona, kauban ang taga Police Station-4, SDET, Police Station-1, Police Station-3, Police Station-5, Police Station-6, OCDEU og duna kini koordinasyon sa PDEA 8. Human madala sa crime lab alang sa laboratory examination og ma pailawom sa inquest proceeding sa korte, tanggong na sa pasilidad sa Linao Police Station ang suspitsado nga nag atubang sa kasong violation sa Republic Act No. 9165, o ang balaod batok sa illegal nga droga. Ni Josie Sersena (EV Mail August 29-September 4, 2022 issue)
