ORMOC CITY – Dili armas imbis hinuon mga rosas ang bitbit sa militar atul sa Valentine’s day.
Gi-harana og gi-regalohan ug buwak nga rosas ang mga pasyenti ug staff sa OSPA-Farmers Medical Center (Ormoc City) sa tropa gikan sa 93rd Infantry “Bantay Kapayapaan” Battalion. Dala nila ang mensahi pinaagi sa tema nga “Spread Love with Valentine’s Day Harana” sa OSPA-FMC. Gikalipay kini sa mga pasyenti hasta na ang mga nagbantay sa mga na admit niadtong February 14, 2025 gani apil sa naka-ambit sa kalipay ang medical team, ug ubang departamento sa maong tambalanan.
Ang aktibidad kabahin sa kasaulogan sa Valentine’s day, nga tuyo nilang madalhan ug pahalipay ang mga naa sa hospital bisan sa simpling paagi nga nahibaw-an sa mga miembro sa Philippine Army, hilabi na sa espesyal nga okasyon sama niini. Gipangunahan ang aktibidad nila ni Captain Danilo Danao, 2Lt. Iv Grail Sibaton ug uban pang sakop sa Civil-Military Office, ingon man usab sa team ni Dr. Sandra Angelica F. Chiong sa OSPA-FMC. (Ni Josie Serseña / EV Mail FEB. 10-16, 2025 issue)
