ORMOC CITY – Arestado ang usa ka High Value Individual sa gilunsad nga buy-bust operation sa mga operatiba didto sa Brgy. Libertad, Ormoc City niadtong Deciembre 16. Ang suspek ginganlan ug alyas “Joyjoy,” 42 anyos, taga Brgy. Bagong Buhay, dakbayan sa Ormoc. Sa tahu, mga alas 7:22 sa gabii dihang gipahigayon ang operasyon pinaagi sa mga sakop sa Ormoc City Drug Enforcement Unit kauban ang Ormoc City Police Station 4, Ormoc City Intelligence Team og Ormoc City Intelligence Unit sa koordinasyon sa Philippine Drug Enforcement Agency 8.
Narekober sa suspek ang lima (5) ka pakete sa gidudahang shabu nga gibana bana nga motimbang sa 8.22 gramos ug nagkantidad sa PHP55,896.00, ingon man usab ang genuine 500-peso bill (PHP500.00) nga ginamit isip buy-bust money, tolo ka tag 1,000-peso bill (PHP3,000.00), kauban ang tolo pod ka 500-peso bill nga bogus money (PHP1,500.00) ug mga drug paraphernalia.
Mag atubang ang suspek sa kasong paglapas sa section 5 og 11 sa RA No. 9165 o Comprehensive Dangerous Drugs Act of 2002. (Ni Josie Serseña / EV Mail December 16-22, 2024 issue)
