ORMOC CITY – Gipangunahan sa 802nd Brigade og 93rd Infantry Battalion ang pag inspection sa Peace and Prosperity Village, ang housing nga gitukod alang sa mga kanhi rebeldi o FRs (Former Rebels).
Nahimotang kini sa Sitio Limite, Brgy. Daja Daku, San Isidro, Leyte.
Mamugna ang projekto pinaagi sa hiniusang programa sa gobierno ilawom sa NTF-ELCAC, LGU-San Isidro, Leyte Provincial Government og sa mga FRs. Katuyoan niini mao ang makabaton og hayag nga kaugmaon ang mga kanhi na biktima sa hiwi nga komunistang idolohiya. Pinaagi sa maong programa usab nahatagan sa pag laum og maayong kaugmaon ang mga pamilya; nga maka balik usab sa normal nga kinabuhi sa komunidad.
Nasayran sa 802nd Brigade nga dunay 458 ka beneficiaries o pamilya ang manimuyo unya sa Peace and Prosperity Village nga sagad mga kanhi NPA, tig suporta sa kalihukan og ang mga naapiktahan sa kasamok.
Dunay 2,000 square meters nga umahan, may “processing facility”, og poultry nga may 3,200 ka manok para mangitlog, merakdo, dunay trak nga mohakot sa produkto ug uban pang kagamitan og pasilidad.
Pulong pa ni Brigadier General Noel A. Vestuir, ang 802nd PEERLESS Brigade Commander, “We do not want to fight our fellow Filipinos, our brothers and sisters. We do not want them dead; we want to rescue them and offer them a bright future with the help of caring agencies of the National Government, Local Government, NGOs and responsive civil societies under the National Task Force ELCAC.”
Samtang puno usab sa kalipay og pasalamat ang mga hingtungdan pinaagi sa ilang giila nga nag paluyo sa kalihukan nga si Thelma Pindolonan a.k.a Mayang, nga miingon, “Sobra ang among kalipay sa pagkamang-gihuna-hunaon sa atong gobierno na nabati namo ang pagdawat sa katawhan ug komunidad bisan sa pila ka tuig namo na agresibong pakig kontra ug pakig away batok sa katawhan ubos sa pagdumala sa CPP-NPA.” Damhan nga iturnover kini sa mga benepisyaryo sa sunod buwan. Ni Josie Sersena (EV Mail Feb. 13-19, 2023 issue)
