ORMOC CITY – Liwas na ang pasko masub-anon og nangandoy pa ang kabanay sa hustisya hangtod karon para sa anak nga si Eduardo Astillero y Pepito, 19 anyos, estudyanti sa pribadong kolihiyo (ACLC) nga taga Purok 8, Brgy. Lao ning syudad.
Mahinomduman nga napalgan ang batan-on nga wala nay kinabuhi sayo sa gabii niadtong Deciembre 13 sa Pagsangaan River. Sigun sa asoy sa ginikanan sa pag imbistiga sa Police Station-3 (PS-3) nga katapusan nilang nakit-ang buhi ang ilang anak mga alas 2:30 sa hapon sa Deciembre 11.
Nananghid ang estudyanti nga moadto sa ilang classmate kay maghimo og project ug nag sulti nga dili sya maka pauli dayon. Pagka Deciembre 12 nakontak pa nila kini og niingon nga mopauli na anang adlawa, gani nisaad pa nga magdala og isda para sa paniudto. Apan nag pinaabot ang iyang pamilya hangtod nagabii nalang pod wa pa kini mahiuli, ug wala napod nila makontak.
Hangtod nga nabalitaan nalang nila pagka petsa Deciembre 13 ang gidangatan sa anak. Padayon pa usab ang kapolisan pag palawom sa imbistgasyon aron makab-ot sa pamilya sa biktima ang hustisya. Nanawagan pod ang autoridad sa dunay impormasyon nga ika tabang alang sa kasulbaran sa kaso. Giawhag usab ang komunidad nga mag pakabana kon may katingad-an sa palibot ug itaho dayon sa barangay o sa police. Ni Josie Sersena (EV Mail Dec. 26, 2022-Jan. 1, 2023 issue)
