JAVIER, LEYTE – Nag lunsad ug hiniusang operasyon ang Javier Municipal Police Station pinaagi kang PLT Jose A. Negado, Jr., Officer-In-Charge, ubos sa superbisyon ni PCOL Dionisio DC Apas, Jr., PD LPPO, ug Philippine Drug Enforcement Agency VIII – Regional Special Enforcement Team (PDEA 8-RSET) diin na aresto si alyas “Tisoy,” 28 anyos, single ug residenti sa Brgy. Talisayan, Javier, Leyte.
Usa siya sa mga High Value Individual (HVI). Ang drug buy-bust operation gipahigayon sa Brgy. Talisayan, sa maong lungsod mga alas 11:20 sa gabie niadtong Augusto 13, 2024. Ang napalit ug na kompiska nga drogas gikan sa posisyon sa suspek ang unom (6) ka paketi sa gidudahang shabu. Gibana bana nga niabot ug 60.28 gramos ang gibug-aton niini ug may estimated street value nga hapit tunga sa milyon ka pesos (PHP422,000.00).
Tanggong na ang suspek nga nag atubang sa kasong kontra illegal nga drugas partikular ang Section 5 ug Section 11, Article II sa Comprehensive Dangerous Drugs Act of 2002 o R.A. 9165. Ni Josie Serseña (EV Mail August 12-18, 2024 issue)
