ORMOC CITY – Gihugopan sa bagang duot sa katawhan nga miembro tag kunsomo ang ika 43rd nga tinuig nga panag tigum o Annual General Membership Meeting (AGMM) sa LEYECO V, didto sa Superdome niadtong Hulyo 13.
Gibana bana nga kapin kon kulang sa 8,000 ka mga miembro gikan sa onse (11) ka mga lungsod sa Probinsya sa Leyte ug sa taga syudad sa Ormoc. Pinasidunggang dinapit sa panag tigum ang Representanti sa APEC Partylist nga si Congressman Sergio C. Dagooc.
Gipasabot ang mga nitambong sa kasamtangan nga kahimtang ug estado sa LEYECO V, nga ubos karon sa pagdumala ni Atty. Jannie Ann J. Dayandayan, CPA isip General Manager.
Ang mga rehistradong miembro nga nitambong duna usab nadala pag pauli nga mga premyo sa gipahigayon nga raffle draw. Ni Josie Serseña (EV Mail July 8-14, 2024 issue)
