ORMOC CITY – Dili armas ug bala, imbis hinuon gitara ug mga regalo ang gidala sa militar karong panahon sa kapaskuhan.
Gipadayon sa kasundaluhan nga sakop sa 802nd Infantry Brigade sa Philippine Army ubos sa liderato ni BGen. Noel A. Vestuir ang ilang tradisyon nga gi-sugdan niadtong 2020. Gitawag nila kini nga programa nga Santa Patrol ug ning tuiga niadtong Deciembre 24 didto sila nanaygon ug nang-hatag og regalo sa mga kaigsuonang kabus sa Bgy. Sumangga, Ormoc City.
Bitbit sa mga Peerless Troopers ang pagkaon nga saw-an sa pamilya labi na sa noche buena. Nasayran nga nagahin ang matag sundalo ug usa ka adlaw gikan sa ilang meal allowance aron matigum ug maka-hatag sa maong mga gasa o Bundles of Joy. Matud pa ni Brigadier General Vestuir, “No act of kindness, no matter how big or small is ever wasted when you give with a generous heart and pure intention. Christmas is the time of love, giving and unity, let us make use of this opportunity to spread love for humanity. May you celebrate the Christmas Day in peace, joy and safe with your family and loved ones.” (Ni Josie Serseña / EV Mail December 23-29, 2024 issue)
