MATAG-OB, LEYTE – Pahugtan pa ang implementasyon sa balaod labi na ang sa lokal o mga Municipal Ordinance, maoy usa sa mga unang giluwatan nga kamandaon ni Mayor Bernie G. Tacoy para sa lungsod sa Matag-ob.
“Maghigpit sa lahat” ang mando ni BGT nga ipatuman sa kapolisan para sa tanan, sumala pa sa hepe sa Matag-ob Municipal Police Station nga si PCPT Alexander Alfonso.
Patas ang pag displina pinaagi sa pag patuman sa balaod, og dili pod paboran sa Mayor ang si kinsa mang malapason nga mag abosar paggamit sa iyang pangalan oras nga makasala. Kon dunay badlungon nga maisogon mo gamit kang Mayor BGT posibli pang padugangan ang kaso sa maong tawo. Kini ang dugang asoy sa PNP sa Matag-ob dihang na bisita sa EV Mail.
Pahugtan pod sa kapolisan ning lungsod ang checkpoint og pag patrolya kontra sa illegal logging. Sanglit utlanan og agianan ang lugar gikan sa silingan nga mga lungsod. Sagad sa kahoy pamotlon aron himuon og uling.
Nasayran usab nga gidugangan og pwersa sa autoridad ang Matag-ob karon pinaagi sa Team sa Mobile Company. Ni Josie Sersena (EV Mail August 15-21, 2022 issue)
