MATAG-OB, LEYTE – Pinaagi sa personnel sa Matag-ob Municipal Police Station (MPS) ubos kang PMAJ Ted Dennis O. Clemencio, Officer-In-Charge, nag malamposon ang pag sikop sa suspek kontra illegal nga drogas didto sa Brgy. Sto Rosario, lungsod sa Matag-ob niadtong buntag sa Septiembre 17.
Ang Station Drug Enforcement Unit (SDEU) Matag-ob MPS nag lunsad ug buy-bust operation diin nadakpan ang usa ka alyas “Vic,” 44 anyos, minyo, empleyado isip job order staff sa Matag-ob Municipal Disaster Risk Reduction and Management Office (MDRRMO), ug residenti sa nahisgutang barangay. Naa siya sa listahan sa mg Street Level Individual (SLI) nga drug personalities nga nag lihok sa Matag-ob.
Sa maong operasyon, nakuha gikan kaniya ang ebedensya nga ni balor ug six thousand pesos kapin (PHP6,120.00) ug estimated weight sa 0.90 gramos kapin kon kulang. Nakuha usab ang buy-bust money ug uban pang kagamitan.
Ang na kompiska nga mga ebedensya gi sumiti sa Forensic Unit 8 sa Camp Jorge Downes, Ormoc City Police Office para sa qualitative ug quantitative examination. “We firmly believe that drugs are the enemies of ambition and hope. As we confront the challenge of drug abuse and trafficking, we are not only fighting against illegal substances but also championing the future of our next generation,” matud pa ni Police Major Clemencio. Ni Josie Serseña (EV Mail September 16-22, 2024 issue)
