ORMOC CITY – Ang pagpangalagad nga madasigon maoy anaa sa kasing-kasing sa taga LEYECO V, ug tungod niini nag malamposon gihapon ang operasyon sa LEYECO V sa nilabay nga tuig bisan pa man sa kalisod sa epekto sa pandemya.
Pinaagi sa tema sa 41st Annual General Membership Meeting (AGMM) nga, “Leaving no one behind: Achieving total electrification and realizing social equitability through empowerment of the rural communities”, gibida ang kalamboan og plano sa kooperatiba.
Gawas sa panag tigum didto sa Main Office sa Brgy. San Pablo, nipartisipar usab pinaagi sa live streaming ang mga miembro tag konsumo gikan sa onse ka lungsod og sa syudad sa Ormoc. Naka hatag pod og kadasig ang mga pa raffle diin mga mahinongdanon nga dekoryinti nga kagamitan sama sa TV, refrigerator, washing machine og uban pa ang gipa raffle.
Labaw sa tanan, gipasidunggan ang Top 10 Prompt Payor.
Si Hon. Sergio Dagooc, APEC Partylist Representative, nipadangat sa iyang pag dayg sa kinatik-ang liderato sa LEYECO V. “Ang pailaw na dinala ninyo sa Leyte ay nagbukas ng maraming oportunidad sa inyong mga kababayan,” tipik niyang minsahi.
Samtang nag awhag pod si Dir. Yap sa mga consumer-owner gikan sa 3rd og 4th District nga mag pakabana sa programa nga iimplementar sa LEYECO V kalabot sa sugang dagitabnon. Nipaabot pod sa mga mensahi ang ubang opisyal sa LGU, mga Electric Coops og PHILRECA. Hilabi na ang mga kaigsuonan nga nag paabot sa ilang tabang panahon sa kalamidad.
Ang keynote speaker nga si NEA Administrator Emmanuel P. Juaneza nipadangat sa video message nga gihatagan og gibug-aton ang LEYECO V sa didikasyon niini isip ka partner sa paglambo pinaagi sa Rural Electrification Programs. “Indeed, your commitment to bring light to the farthest sitios is a shining example of the cooperative’s larger role to empower people and serve as key drivers of economic growth,” ingon pa niya.
Sa habig sa LEYECO V, gibutyag ni Atty. Jannie Ann J. Dayandayan, General Manager, nga daghan pag buhatonon ang kooperatiba pag paglambo sa serbisyo niini, butang nga gipaniguro nila alang sa kabulahanan sa kinabag-ang miembro tag konsumo. Niini nga kalampusan sa operasyon sa LEYECO V iyang gipasalamatan ang tibuok workforce – ang mga kugihan nga warriors of light.
Dugang pa niyang mensahi, “LEYECO V has continuously conducted various line maintenance such as line expansions, line extensions, line upgrading, line clearings, substation maintenance.” Apil na usab ang CSR activities ingon man mga programa sa ayuda, panginabuhian ug daghan pang uban. Pagka Deciembre 2021 duna nay pito ka substation nga operational. Ang Board of Directors usab sa LEYECO V Inc. naka isyu og 279 ka Board Resolution og nagpahigayon sa 24 ka meeting nga may insaktong quorum sa nilabay nga tuig. (Ni Josie Sersena, EV Mail July 11-17, 2022 Issue)
