PALOMPON, LEYTE – Nag padayon karon ang kapolisan sa lungsod sa Palompon alang sa imbistigasyon kalabot sa kamatayon ni alyas “Intsik,” kinsa gi banhigan sa duha ka wala mailhing suspitsado niadtong Oktobre 4, didto sa Ipil 3 lungsod sa Palompon.

Mahinumduman nga ni respondi ang personnel sa Palompon Municipal Police Station (PMPS), ubos kang PCPT Realthur S. Tabernero, human maka dawat ug impormasyon gikan sa nag pa ila nga concerned citizen ug ni taho kalabot sa nahitabong shooting incident. Sa ilang pag abot sa lugar nga nahitaboan, naabtan nalang nila ang wala nay kinabuhi nga si alyas “Intsik,” 26 anyos, usa ka pedicab driver ug residenti sa nahisgutang barangay.

Naka angkon kini ug samad pinosilan, hinungdan nga nakabsan kini sa kinabuhi samtang didto sulod sa gi manihong pedicab. Sumala pa sa kapolisan nga nag maniho ang biktima niadtong higayona sakay ang iyang ka live-in partner gikan sa Brgy. Ipil 2, agi sa Mabini Street paingon sa ilang gi poy-an apan dihang mo liko na unta sa may iskina sa Taft Street, kalit mi tunga ang usa sa mga suspek dayon pabuto sa armas ngadto sa biktima nga naigo sa nawong niini. Daling ni ikyas ang mga suspek sakay sa black motorcycle sa wala masabting direksyon.

Ang Scene of the Crime Operatives (SOCO) team nidangat aron pag proceso sa crime scene. Samtang gi notisyahan dayon ang mga silingang PNP Station para maka checkpoint alang sa posibling pagka dakop sa mga ni ikyas nga suspek. Apan pakyas ug padayon pang gipangita sila karon. “We are committed to finding justice for the victim and his family. Our team is working around the clock to investigate this incident and ensure that those responsible are brought to justice. We appreciate the public’s patience and cooperation as we work through the details of this case,” matud pa ni Tabernero. Ni Josie Serseña (EV Mail October 7-13, 2024 issue)