KANANGA, LEYTE – Dead On Arrival (DOA) na sa tambalanan ang usa ka babayi nga biktima sa pag pamusil sa National Highway sakop sa Brgy. Libongao, Kananga, Leyte mga 4:30 sa hapon niadtong Deciembre 21.
Ang biktima mao si Juanita Balmoria Veloso, 77 anyos, single, retired administrator og taga Brgy. Linao, San Isidro, Leyte, kinsa naka angkon og mga igo sa bala sa iyang lawas og ulo.
Hinuon walay tatsa ang mga kauban niini sa sakyanan nga sila si Leleena Ygot Veloso, 61 anyos, minyo og molopyo gihapon sa Brgy. Linao, San Isidro. Ug ang driver nga si Edmil Bacay, hingkod ang panuigon, taga Brgy. Basod, sa mao gihapon nga lungsod.
Sa inisyal nga imbistgasyon sa Kananga Municipal Police Station nasayran nga lulan ang biktima sa Toyota Land Cruiser nga may plakang MJC 444, gikan sa Ormoc City. Pag abot nila sa lugar kalit may mga kalalakin-an nga armado sa tag-as nga kalibre sa armas sakay sa pick-up nga Nissan Navarra, dunay plate number ABN 7103 ang nag sunod kanila sa parehong rota.
Kalit lang gipauwanan og bala ang ilang gisakyan, hinungdan sa pagka igo sa Administrador, kinsa naglingkod luyo sa driver’s seat. Wala maigo ang kauban niini nga si Leleena Ygot Veloso, samtang ang driver tungod sa kalisang naka dagan sa kasagbotan.
Nadala pa si Juanita Veloso sa Kananga Municipal Hospital pinaagi sa rescue team sa lungsod (ERT) aron unta matabang. Pero nakabsan na kini sa kinabuhi pag dangat sa tambalanan og gidiklara nga DOA ni Dr. Jay Martin Tamayao, ang attending physician. Ang team gikan sa Ormoc nga Forensic Unit nga nag proceso sa nahitaboan naka rekober og 40 ka basiyo o kabhang sa 5.56mm. Padayon pa ang autoridad sa ilang imbistigasyon sa kaso labi na gyod ang pag gitugis sa mga suspitsado og motibo sa pag pusil-patay sa babaying biktima. Ni Josie Sersena (EV Mail December 19-25, 2022 issue)
