TANAUAN, LEYTE – Gitawag sa PNP nga usa ka “isolated incident” ang kasong pag pamusil nga nahitabo niadtong alas onse pasado sa buntag didto sa Brgy. San Victor, lungsod sa Tanauan, ug dili konektado sa election.
Gipa higpitan na usab ang imbistigasyon sa maong hitabo sa Leyte Police Provincial Office (LPPO). Sa nahisgutang pag pamusil, namatay ang biktima nga si alyas “Dan,” 65 anyos, minyo, motorcycle driver nga taga Brgy. San Vicente, Tolosa. Sa report sa kapolisan, tolo (3) ka beses siyang gipa buthan ug naigo ang likod nga parti sa iyang lawas. Samtang ang mga suspek gihulagway nga duha ka tawo nga nag sakay sa single black motorcycle. Dali kining ni ikyas palayo sa lugar pagka human sa hitabo.
Ang walay kalooy nga pag patay sa biktima, nitay-og sa komunidad busa gihingosgan karon sa autoridad nga masikop ang mga suspitsado aron manubag sa krimen. Nanawagan ang autoridad sa publiko nga mo kooperar alang sa kasulbaran sa kaso ug makab-ot ang hustisya sa biktima. “Your cooperation is crucial in ensuring the safety and security of our community. We want to emphasize that this incident is NOT election-related and is being treated as an isolated case,” pahayag pa sa PNP.
Gipangunahan ang imbistigasyon ni Tanauan Chief of Police, PCPT Faith Y. Aseo, ug gipa lihok na ang tanang teams, ug gi alerto na usab ang mga silingan nga police station alang sa checkpoints aron pag tugis sa mga suspek. Ni Josie Serseña (EV Mail October 28-November 03, 2024 issue)
