MATAG-OB, LEYTE – Kanunay anaa sa uwahi ang pagbasol, kini ang paghulagway sa autoridad sa pagpakahilom sa suspek human na kompirma nga nag-positibo ang resulta sa drug test nga gihimo kaniya, human siya maaresto sa buy-bust operation didto sa National Highway sakop sa Brgy. Sto. Rosario, lungsod sa Matag-ob pasado alas 7:00 sa gabii niadtong Abril 28, 2025.
Ang mga operatiba gipangunahan ni Police Major Ted Dennis O. Clemencio nga nakig-koordinasyon sa PDEA. Ang suspek mao si alyas “Ronie,” 32 anyos, olitaw, og lomolopyo sa nahisgutang dapit. Naka-lista kini isip Street Level Individual (SLI) ug nalambigit sa illegal nga aktibidad sa drugas. Nasayran nga usa siya ka kusinero sa karenderia.
Nakuha gikan sa iyang posisyon ang mga ebedinsya sama sa mga pinaketi sa gidudahang shabu, nga dili mo-menos sa unom ka small heat-sealed plastic sachets apil na ang usa nga maoy napalit sa police nga posuer buyer o nagpaka-aron ingnun nga suki ug mopalit pag-usab sa illegal nga drugas. Nakuhaan usab siya sa five hundred pesos (PHP500.00) nga marked money o gibayad sa police kaniya.
Sa pagdakop kaniya gipasabot siya sa iyang mga katungod ug nisanong siya, pero nag-dumili siya pagpirma sa imbentaryo. Tanggong na karon ang suspek sa Matag-ob Municipal Police Station ug manubag sa kasong kalapasan sa Section 5 ug 11 sa RA No. 9165, o posisyon ug pagbaligya sa illegal nga drugas o shabu.
Mapasalamaton si Major Clemencio sa suporta sa publiko, “I sincerely thank the people of Matag-ob for their cooperation in our efforts to combat illegal drug activities. Rest assured my team is committed to ensuring peace and safety in our municipality.” (Ni Josie Serseña / EV Mail APRIL 28-MAY 4, 2025 issue)
