KANANGA, LEYTE – Nag positibo ang resulta sa gipahigayon nga buy-bust operation sa Kananga Municipal Police Station, nga gipangulohan ni Police Major Romeo O . Sudario, Jr. nga nakig-koordinasyon sa PDEA-8.
Nahitabo ang operasyon didto sa Batiller St., Brgy. Poblacion, Kananga, Leyte mga alas 9:04 sa gabie niadtong May 28, 2025.
Ang nadakpan mao si alyas “Nestor,” 24 anyos, ulitaw, laborer, ug residenti sa Batiller St., Brgy. Poblacion, Kananga, Leyte, giingong usa ka Street Level Individual (SLI). Sa pagrekisa sa iyang lawas nakompiska ang lima (5) ka heat-sealed transparent plastic sachets nga may sulod sa gidudahang shabu. Ingon man usab ang marked money, og cash apil ang sinsilyo nga ni total sa one hundred ninety-seven pesos (PHP197.00).
Ang mga narekober nga ebedinsya gi-turn over ngadto sa Ormoc City Forensic Unit alang sa “qualitative and quantitative examinations.” Samtang ang suspitsado anaa na sa Kananga Municipal Police Station kinsa mag-atubang ug kaso partikular batok sa Sections 5 and 11 of Article II of Republic Act No. 9165, o ang Comprehensive Dangerous Drugs Act of 2002. (Ni Josie Serseña / EV Mail May 26-June 1, 2025 issue)
