ORMOC CITY – Usa ka lalaki ang nakit-an sa dagat dapit sa merkado publiko nga wala nay kinabuhi sayo sa buntag niadtong Inero 23, 2025.
Ang maong lugar sakop pa sa kanhi Brgy. District 1 o ang Brgy. South na karon. Sumala pa nga ang biktima usa sa mga parking boys ug mga 50 anyos na kini o sobra pa, ulitawo ug nahibal-an nga taga Brgy. Doña Feliza Mejia, dakbayan sa Ormoc.
Matud pa sa mga naka-ila sa merkado nga daw sa duna na kini gipamati sa lawas nianang unang adlaw, ug nahibulong nalang sila nga didto na sa ubos sa may dagat nakit-an pagka ugma. Gisusi na sa SOCO ang patayng lawas sa biktima, ug padayon ang kapolisan sa pag-imbistiga sa nahitabo sa maong lalaki. (Ni Josie Serseña / EV Mail JAN. 20-26, 2025 issue)