BAYBAY CITY – Gi-respondihan sa personnel sa Baybay City Police Station, ubos sa superbisyon ni PLt. Col. Nerro M. Hobrero ang tahu kabahin sa patay nga lawas didto sa Brgy. Kabatuan, Baybay City, niadtong Deciembre 2, 2024.
Ang biktima naila nga si “Domingo,” usa ka mag-uuma ug residenti sa Brgy. Altavista, Baybay City. Napalgan kini nga wala nay kinabuhi ug nag lutaw sa sapa. Sa imbistigasyon nitug-an ang pamilya sa biktima nga nianang pasado alas dos sa hapon (2:30 P.M.) niadtong Nobiembre 30, 2024 padung na unta mo pauli ang biktima gikan sa ilang umahan kauban si “Amang.” Ug samtang motabok sila sa sapa sa Brgy. Altavista, na-abtan sa kusog nga bul-og sa tubig sa tunga-tunga sa sapa dala sa kusog nga uwan. Apan bisan paman gipaninguha ni “Amang” nga magunitan ug ma-salbar kini apan naanod gyud kini sa ka-kusog nga bul-og sa tubig.
Ang pamilya sa biktima kauban ang mga opisyales sa Brgy. Altavista, nag pahigayon ug retrieval operation ug gisubay ang sapa hangtod na sa sunod nga mga barangay. Hangtod nga nakit-an ang patay nga lawas sa biktima didto sa tumoy na sa Barangay Kabatuan. Nag tuo ang kabanay sa biktima nga aksidenti ang nahitabo ug walay foul play.
Ang Leyte Provincial Forensic Unit (LPFU), kauban ang SOCO team sa Baybay City, nag lunsad ug crime scene processing sa lugar nga nahitaboan aron pag kompirma sa cirkumstansya kalabot sa kamatayon sa biktima. Nag kanayon si PLTCOL Hobrero, “We are thoroughly investigating the incident and encourage anyone with information to come forward. The Baybay City Police is committed to ensuring justice and the safety of our community.” (Ni Josie Serseña / EV Mail December 2-8, 2024 issue)
