ORMOC CITY – Imbis ang langyaw nga napriso kay sad-an dihang nangilog og sakyanan, ang kapolisan hinuon ang na konsumisyon karon samtang naa kini sa ilang kustodiya.
Ang suspek naila nga si Hendricus Johannes Wilhelmus Petrus Christoffer Jamin, 37 anyos, single, ug usa ka Dutch National nga taga Kingdom of Netherlands. Apan matud pa taodtaod na kini dinhi sa nasud gani matud sa police kanhi nadakpan na usab kini sa laing lugar.
Ang insidenti nag sugod mga alas dose pasado sa udto niadtong Abril 22 atubangan sa hotel sa may Brgy. District 12; diin giparada na unta ni Israel Judilla, 39 anyos, ang gimanihong Toyota Hilux pick-up. Sakto nga didto sa nasangpit nga hotel naka check-in ang langyaw og migawas na aron mobyahi paingon sa Tacloban kauban ang hinigugma.
Apan na diskihan niini ang Toyota Hilux og kalit nisulod sa passenger’s seat, diin nakalitan ang driver. Ninaog ang driver aron sitahon sa pikas nga poltahan ang langyaw, hinungdan nga nagkasumbagay pa sila. Naka higayon pag sakay sa driver’s seat ang langyaw og ning higayona naka dagan ang biktima og may nitawag na og police.
Dihang may ni respondi nang police nisutoy na pagpadagan si Wilhelmus sa gi carnap nga Toyota Hilux. Pag abot sa Aviles corner Real Street, naka bangga kini og Nissan Navarra pick-up nga gipanag iya pa sa polis nga si Oscar Cobacha. Naguba ang atubangan sa maong sakyanan, pero niikyas sa responsibilidad ang langyaw paingon sa karsada sa Brgy. Linao.
Gialerto dayon ang mga checkpoints hilabi na ang didto sa may San Juan, diin nakabantay ang suspitsado busa nibalik siya sa Diversion Road sa Brgy. Naungan. Sa pag dinali dali niini og u-turn og kusog nga padagan, hangtod nga nabangga sa naka standby nga backhoe.
Dinhi na siya naapsi og giposasan sa nag gukod nga kapolisan. Gidala siya sa Police Station alang sa pag proceso og ma pasakaan sa kasong paglapas sa RA 10883 o New Anti-Carnapping Law. Ingon man usab ang Reckless Imprudence Resulting to Damage to Properties. Pero pagka Abril 24 naglasaw ang pasilidad nga iyang gipoy-an kay giinitan kini busa naligo sya. Og pagka Abril 27 sa sayong kagabhion naabtan pod sa EV Mail nga nagbahis kini sulod sa pasilidad. Human sa halos 15 minutos nga pakighinabi ni COP Ramil Caldona, gimay mayan og nihilom ra kini. Nabalaka ang autoridad sa unsapay buhaton niini samtang naa sa ilang poder kay gisugdan na pag pang guba ang mga gamit didto, samot pa ang ilang kabalaka kon dagmalan niya ang kaugalingon. Ni Josie Sersena (EV Mail April 24-30, 2023 issue)
