TOMAS OPPUS, SO. LEYTE – Nadakpan ang Provincial Target sa autoridad nga si alyas “Leon” sa buy-bust operation nga gi lunsad didto sa barangay San Agustin, lungsod sa Tomas Oppus, Southern Leyte mga alas 5:55 sa hapon niadtong Hulyo 22.
Sa Press Release No. 2024-117 sa kapolisan gibutyag nga sa ilang bana bana moabot ug kapin kon kulang sa 47.864 gramos ang unom (6) ka pakete sa gituhoang shabu nga nakuha gikan sa suspek. Matud pa nga ang mga nakumpiska, dunay market value o nag kantidad kini ug PHP335,048.00.
Ang mga operatiba gilangkuban sa mga elemento gikan sa Provincial Intelligence Team sa Southern Leyte, Regional Intelligence Unit 8, Southern Leyte Police Provincial Office-Provincial Intelligence Unit, Tomas Oppus Municipal Police Station kauban ang PDEA VIII-Southern Leyte Provincial Office (Lead Unit).
Mag atubang ang nasangpit nga suspek sa kasong kalapasan sa Comprehensive Dangerous Drugs Act of 2002 o ang naila na nga RA 9165. Ning pag balita naka detinir na ang maong suspitsado. Ni Josie Serseña (EV Mail July 22-28, 2024 issue)
