ORMOC CITY – Usa ka panag tigum ang gipasiugdahan sa LEYECO V niadtong Hunyo 20 sa ilang Training Center sa barangay San Pablo.
Kini nag lakip sa 2nd Quarter Meeting sa mga Members, Consumers, Owners, ug Officers (MCOO) ug oathtaking sa Barangay ug District Level officials. Ingon man ang Press Conference kauban ang lokal nga media ug PIO sa mga lungsod nga sakop sa gi serbisyohan sa Kooperatiba.
Katuyoan sa hiniusang panag tigum nga mapa sabot ug mahatagan sa insaktong impormasyon ug kalambuan ang mga hingtungdang MCOO. May representasyon ang District I (Ormoc North), District II (Ormoc South), ug District III (Isabel ug Merida). Apil sa gihisgotan ang potensyal nga “power rates,” ang umaabot nga tinuig nga General Membership Meeting sa Hulyo 13, hasta usab ang estado sa nag padayong 2MW Bao Hydroelectric Power Project.
Ang presensya sa mga nag unang mamumulong ug personalidad nag apil nila LEYECO V General Manager Atty. Jannie Ann J. Dayandayan, CPA; Board President Emmanuel S. Arpon nga nag representar sa District III; Dir. Paulito A. Cotiangco sa District I; Dir. Maximo T. Torcende sa District II; Dir. Claire R. Diaz sa District IV; og Dir. Jesus Ma. Arante sa District VI. Ingon man si ISD Manager Ana Maria Lourdes M. Pastor, MBM; Rate Analyst/Budget Officer Ricaflor S. Suan, CPA; og Engr. Sybil Ceballos, PGU Project Engineer.
Gihangop sa mga miembro sa LEYECO V ang inisyatibo aron magka tigum pinaagi sa taga Membership Services Division (MSD), sa pag panguna ni Ghanda R. Bernardino, DPA, MPA, ug tibuok PR Team. Pinaagi usab sa Press Conference nahatagan ug katin awan ang mga nag unang isyu ug mga pangutana, dili lang gikan sa media ug PIO, apan nahatagan ug higayon maka pangutana ang ubang miembro tag kunsumo.
Mapasalamaton ang LEYECO V sa partisipasyon sa mga MCOO sa nasangpit nga aktibidad. Ni Josie Sersena (EV Mail June 24-30, 2024 issue)
