HILONGOS, LEYTE – Kasong kalapasan kontra Republic Act 9165 o ang Comprehensive Dangerous Drugs Act of 2002 ang gi atubang sa lima (5) ka lalaki, base kini sa Press Release No. 2024-122 sa autoridad sa lungsod.
Nag lunsad ug buy-bust operation ang mga elemento sa Hilongos Municipal Police Station- Drug Enforcement Unit kauban ang PDEA VIII-Leyte Provincial Office (Lead Unit), PDEA VIII-Southern Leyte Seaport Interdiction Unit, nga ni resulta sa pagka dismantol sa drug den sa barangay Poblacion, Hilongos, Leyte niadtong Hulyo 30, mga alas 7:30 sa gabie.
Ang mga na arestong suspek mao ning mo sunod; si alyas “Mikoy” (maintainer), alyas “Liloy” (employee), ug ang mga ni bisita lang nga sila alyas “Karding”, alyas “Oplok” , ug alyas “Dong”. Nakumpiska gikan sa mga suspek ang unom (6) ka sachet sa suspected shabu nga ni timbang kapin kon kulang sa 15.02 gramos ug may estimated market value nga PHP102,500.00. Naa na sa kustodiya sa Hilongos Municipal Police Station ang mga suspek. Ni Josie Serseña (EV Mail July 29-August 4, 2024 issue)
