HINDANG, LEYTE – Gikalipay sa mga opisyales sa Hindang, Leyte ubos sa liderato ni Mayor Betty Cabal ug Vice Mayor Jun Cabal kay gitubag sa national government ang ilang dugay nang pangandoy nga estasyon sa kapolisan; ug tinood man, bag-ohay palang gipahigayon ang Turnover Ceremony sa Municipal Police Station.
Sa habig sa PNP, gipangunahan ni P/Col. Dionisio Apas, Jr., ang delegado gikan sa Leyte Provincial Police Office, aron pagduyog sa inagurasyon, kinsa nagkanayon nga ang kapolisan padayon nga maghatag ug serbisyo alang sa seguridad sa publiko.
Samtang sa iyang bahin si Leyte 5th District Representative Carl Cari namahayag usab ug kanunay niyang pagsuporta pinaagi sa projekto ug programa para sa dugang kalinaw ug kalamboan sa Hindang ug sa kalungsuran sa Kinto Distrito. Pulong niya pinaagi sa iyang social media post, “This new establishment is a testament to our efforts to ensure peace, order, and development in the Kinto Distrito.” (Ni Josie Serseña / EV Mail APRIL 21-27, 2025 issue)
