ORMOC CITY – Sikop ang mag live-in partner sa gipahigayon nga buy-bust operation niadtong Marso 10, 2023 mga alas 3:35 sa hapon didto sa Barangay Concepcion ning syudad.
Ang duha ka suspitsado mao sila si Mark Anthony Apas, usa ka High Value Target (HVT) og Jenifer Montuerto y Luchavez, kinsa kanhing niundang na sa bisyo apan nibalik na pod.
Nakompiska gikan kanila ang lima (5) ka plastic sachet nga may sulod sa illegal nga drogas kon ang gidudahang shabu. Gibana bana nga motimbang sa kapin kon kulang sa 60 gramos ug donay balor sa street value sa halos tunga sa milyon ka pesos (PHP 408,000).
Giditiner na ang duha ka suspitsado sa lock-up facility sa Police Station-2 kinsa nag atubang sa kasong pag lapas sa Comprehensive Dangerous Drugs Act of 2002.
Ang operatiba gilangkuban sa team gikan sa Police Station-2 kauban ang PDEA-8, OCO/SIU, LPO ug RSET. Ni Josie Sersena (EV Mail March 6-12, 2023 issue)
