ORMOC CITY – Mismong si MARINA Regional Office 8 (MRO8) Director, Cheryl V. Pascua, ang nanguna sa team nga nag-courtesy call kang Commodore Romeo P. Pulido, ang Kumander sa Philippine Coast Guard Eastern Visayas (PCG) sa headquarters niini sa dakbayan sa Ormoc niadtong Marso 11, 2025.
Tumong sa ilang miting nga mas mapa lig-on pa ang kolaborasyon sa duha ka ahensya ug mapa lambo ang serbisyo kalabot sa maritime regulations. Partikular nga ilang gipa himog-atan ang legal nga operasyon sa sakayan o motor banca ug ubang byahi sa kadagatan, seguridad ingon man ang pag pa-uswag sa dugang kasayuran sa publiko. Dugang pa, nga mahinungdanon ang koordinasyon sa mga ahensya sama sa MARINA ug PCG sanglit ang ilang mga gimbuhaton parihong makapa-benisyo sa publiko, labi na ang mga tag-iya ug barko, negosyanti o yanong pasahero lang. (Ni Josie Serseña / EV Mail March 10-16, 2025 issue)
