KANANGA, LEYTE – Nilampos pag-sikop sa suspek ang personnel sa Kananga Municipal Police Station (Kananga MPS), kauban ang mga taga PNP DEG SOU 8, PDEA Ormoc City Office/SIU, CIT Ormoc-RIU8, RID 8, RPDEU 8, og PDEU Leyte PPO, pinaagi sa buy-bust operation sa illegal possession of explosives nga konektado sa COMELEC Resolution No. 11067 (Election Gun Ban) mga alas 11:48 P.M. niadtong Inero 26.
Giila sa autoridad ang suspek nga si alyas “Erik,” 36 anyos nga taga Brgy. Sto. Niño, Kananga, Leyte. Nakuhaan usab siya ug mga heat-sealed plastic sachets sa gidudahang illegal nga drugas ug usa ka hand grenade, ingon man ang marked money.
Ang gidudahang illegal nga drugas gibana-bana nga nitimbang sa 50.04 gramos ug dunay kantidad nga PHP340,272.00. Ang mga na-kompiska e-turnover sa Ormoc City Forensic Unit para sa qualitative and quantitative examinations. Samtang ang hand grenade gi-turne over sa PNP EOD Ormoc alang sa “examination and proper disposition.”
Ang suspek gidala na usab sa PDEG SOU 8, kinsa nag-atubang sa kaso kontra Sections 5 and 11 of Article II of Republic Act No. 9165, o ang Comprehensive Dangerous Drugs Act, ug Republic Act No. 9516, alang sa Illegal Possession of Explosives. (Ni Josie Serseña / EV Mail Jan. 27-Feb. 02, 2025 issue)
