BAYBAY CITY – Gipang bindisyonan ang mga nagka daiyang pasilidad ug kagamitan sa LGU sa Baybay atul sa ilang ika-18th Charter Day nga kasaulogan.
Kini naglakip sa City Health Office CT Scan Facility, Heavy Equipment, BFP Ambulance, and Veterans Plaza LED Wall, People’s Center and Crisis Center, PNP Multi-Purpose Building ug uban pa.
Puno ug pasalamat ang kasing-kasing sa mga Opisyales sa dakbayan ubos sa liderato ni Mayor Jose Carlos Cari ning pag-abot nila ug 18 ka tuig nga nanahimong syudad. Saksi ang mga Baybayanon sa mga giagian nila nga hagit gani dako ang gi-abag ni kanhi Congresswoman ug kanhi Mayor, ug karon SPM, Carmen L. Cari sa proceso alang sa “Baybay Cityhood.”
Gisugdan nila paghalad ang adlaw pinaagi sa Santos nga Misa nga giselebrar ni His Excellency, Most Rev. Precioso D. Cantillas, SDB, DD. Ang mga pinasidunggan nga mga dinapit sa okasyon gipangulohan ni Gobernador Jericho Petilla nga maoy Guest Speaker. Gihalad usab nila sa Makagagahom ang mga giplano pa nga dugang tingusbawan sa katawhan sa Baybay City. (Ni Josie Serseña / EV Mail JUNE 16-22, 2025 issue)
