BAYBAY CITY – Arestado sa mga operatiba sa Baybay City Police Office (BCPO) ubos ni PLTCOL Nerro M. Hobrero ang duha ka suspitsado sa kasong pag patay.
Target sa operasyon ang ilang nahimutangan sa Brgy. Cogon, Baybay City, niadtong Septiembre 14. Sa report sa kapolisan sa dakbayan ang biktima giila nga usa ka “Net,” 59 anyos, retired OFW. Napalgan kini sa iyang panimalay nianang buntag sa nahisgutang adlaw o petsa. Na diskobre kining nag buy-od sa sawog nga nagka dugo.
Sa pag susi, nakita nga samaran ang lawas sa biktima. Na komplito na ang lugar pag proceso sa SOCO Team gikan sa Leyte Forensic Unit. Ug ang autopsy gihimo ni PMAJ Christian Allan Brunio, ang Medico-Legal Officer.
Nadakpan ang mga suspek pinaagi sa “hot pursuit operation” human ma diskobrehi ang patay nga lawas sa biktima. Samtang ang mga suspek gipa sabot sila sa ilang mga katungod, sa pinulungan nga ilang nasabtan. Karon, naa na sila sa kustodiya sa Baybay City Police Station. Pulong pa ni Hobrero, “I am committed to a thorough investigation of this tragic incident. Anyone with information that may be relevant to the case is urged to contact our station.”
Kontakon lang sila sa Brgy. Gaas, Baybay City, Leyte, o pinaagi ning mo sunod – Hotline: 0998-598-6486; Facebook Account: PNP Baybay; ug Facebook Page: PCR Baybay City Police Station. Ni Josie Serseña (EV Mail September 16-22, 2024 issue)
