ORMOC CITY – Ang Ormoc City Police Station 1 (OCPS1) SDET sa pag panguna ni PLT Elmer E. Macasero, Deputy Station Commander, ubos sa direksyon ni PCPT Flora Mae L. Molina, Officer-in-Charge, ang nag pahigayon ug buy-bust operation sa barangay Altavista, ning dakbayan niadtong Hulyo 28.
Ang suspek giila nga alyas “Boboy”, 54 anyos, minyo ug residenti sa Purok Kaimito, barangay Patag, Ormoc City. Nakuha gikan sa iyang posisyon ang duha ka pakete sa gidudahang shabu ug ang buy-bust money nga maoy gigamit sa police pag palit kaniya sa illegal nga drugas. Kalapasan kontra sa Section 5 ug Section 11, Article II sa R.A. 9165 maoy gipasaka batok kaniya. Nag hangyo ang OCPS1 sa publiko nga itaho kanila kon may mamatikdan nga mga illegal nga aktibidad ug kadudahan nga mga tawo nga nalambigit niini. Ania ang pamaagi, Instagram: StationOne OrmocPulis ug OrmocPulis StationOne, Facebook Page: Ormoc City Police Station 1; ug Hotline Numbers: Globe–09354417443, Smart–09985986691 ug Landline–560-9737. Ni Josie Serseña (EV Mail July 29-August 4, 2024 issue)
