KANANGA, LEYTE – Arestado sa operatiba sa Kananga Municipal Police Station (KMPS), ubos kang Police Major Romeo Q. Sudario, Jr., ang rank number five (#5) nga “Most Wanted Person” sa Regional Level.
Dunay kini kasong rape ug pinaagi sa National Police Clearance System (NPCS) didto kini nasikop sa Pandi, Bulacan, niadtong Oktobre 9. Nilampos ang operasyon pinaagi sa koordinasyon sa Pandi Municipal Police Station ug Regional Intelligence Division Tracker Team sa Police Regional Office 8, nga gipanguluhan ni Police Major Adrian Rey C. Lozano.
Ni resulta sa pagka aresto sa akusado nga si alyas “Berto,” 36 anyos, lumad nga taga Kananga, Leyte. Na aresto siya dihang ni kuha siya ug National Police Clearance didto sa Pandi MPS, ug nigawas ang iyang pangalan sa e-warrant system.
Ang warrant giisyu sa korte niadto pang October 27, 2022, ug walay gi rekomenda nga pyansa. “This arrest marks a significant victory in our ongoing efforts to ensure justice and maintain peace in our region. The apprehension of the No. 5 Most Wanted Person reflects the dedication and collaboration of our officers, as well as the unwavering commitment of Kananga MPS to protect our community from those who seek to evade the law,” matud pa ni Sudario. Ni Josie Serseña (EV Mail October 7-13, 2024 issue)
