VILLABA, LEYTE – Patay diha-diha dayon ang usa ka lalaki dihang gipusil sa wala mailhing mga suspitsado samtang nagpa-toktok kini sa iyang pang sabong nga manok, didto sa payag niini sa Sitio Mahayahay, Brgy. Buga-Buga, Villaba, Leyte, buntag niadtong Mayo 15, 2025.
Dali nga nirespondi sa nahitaboan ang kapolisan sa lungsod sa Villaba, ug nailhan ang biktima nga si alyas “Simon,” 50 anyos, og residenti sa nahisgutang dapit. Nahagba na kini ug naligo sa kaugalingong dugo. May igo kini sa pinosilan sa lain-laing parti sa lawas labi na sa may liog ug sa may suwang.
Sumala pa sa Villaba MPS nga apil ang biktima sa watchlist sa drug personalities sa lungsod. Sa inisyal nga imbestigasyon, samtang nagtubong aron tubongan ang mga pang sabong nga manok didto sa payag kalit lang siya gipabuthan sa wala pa mailhing mga lalaki. Matud pa daan na nagtago ang mga suspek sa kasagbutan palibot sa payag.
Dayon dali nga niikyas ang mga namusil sa wala masabti nga direksyon. Nagpatawag dayon ug SOCO ang autoridad alang sa lawm nga imbestigasyon didto sa crime scene. Samtang gikontak naman usab ang Municipal Health Officer para sa post-mortem examination sa patayng lawas sa biktima. Nunot niini nagpahigayon dayon ang PNP ug “hot pursuit operation” ug gi-alerto ang mga kasikbit nga dapit aron masakpan ang suspek, apan wala na kini makit-i.
Nagkanayon si Police Major Ian Salvador B. Po, “Agad pong kumilos ang Villaba Police upang imbestigahan ang insidente at tiyakin ang seguridad ng lugar. Patuloy po ang aming hot pursuit operation para madakip ang mga responsable. Hinihikayat po namin ang publiko na makipagtulungan sa imbestigasyon. Ang inyong kaligtasan ang aming pangunahing layunin.” (Ni Josie Serseña / EV Mail MAY 12-18, 2025 issue)
