ORMOC CITY – Nasikop ang usa ka High Value Individual (HVI) human sa gi lunsad nga buy-bust operation pinaagi sa mga elemento sa Ormoc City Police Station 4 (OCPS-4) pinangulohan ni PCAPT Jason N. Mateo inubanan sa taga CDEU-OCPO ubos kang PMAJ Michael Ray G. Cañete og RID-8 ubos kang Adrian Rey Lozano, nga ubos usab sa superbisyon ni PCOL Reydante Endonila Ariza, ang bag-ong Officer-In-Charge sa Ormoc City Police Office (OCPO).
Giila kini nga si Bienvenido Mabini, Jr., 31 anyos nga taga Brgy. Linao, Ormoc City. Sumala pa balor ug PHP43,928.00 ug ni timbang sa 6.46 gramos ang nakompiskang gidudahang shabu gikan kaniya. Ang mga operatiba ni pahigayon sa koordinasyon sa PDEA nga ni resulta sa pagka aresto sa maong suspitsado nga maoy rank number 4 isip target nga HVI.
Nag positibo ang operasyon mga ala 01:40 sa kadlawon niadtong Hunyo 6 sa Purok 2, CCF, Brgy. Linao ning syudad; dihang na baligyaan sa suspek sa drogas balor ug five thousand pesos (PHP5,000.00) ang police nga maoy poseur-buyer.
Usa ka (1) pakete sa heat-sealed transparent plastic sachet nga may white crystalline substance ang “subject of sale” ug may sulod nga gidudahang “shabu” ang nakuha gikan kaniya. Ingon man diha usab sa iyang posisyon ang usa ka (1) Unit S&W .357 Revolver nga walay serial number ug dunay sulod nga tolo (3) ka Live Ammunition.
Ang suspek gipasabot sa hinungdan nganung gidakop siya ug gibasahan sa iyang katungod. Ang mga gikompiskang ebedensya nga nakuha gikan sa suspek, ang gidala sa estasyon sa OCPS-4. Naka ditinir napod siya sa nasangpit nga estasyon kinsa pasakaan ug kaso pag lapas sa Republic Act 9165.
Pahayag pa ni PCAPT Mateo, “The men and women of OCPS-4 will continue to serve and maintain the peace and order of this city through anti-criminality campaign and continued anti-drug operation. I would like to ask the people of Ormoc and its visitors for your cooperation and support for a safer and more secure community.” Ni Josie Sersena (EV Mail June 3-9, 2024 issue)
