ORMOC CITY – Arestado sa hiniusang pwersa sa Ormoc City Police Office (OCPO) ang usa ka lalaki human gilunsad sa autoridad ang buy-bust operation didto sa Brgy. Salvacion ning dakbayan niadtong Nobiembre 9, 2024.
Ang suspek nalista nga Rank 5 sa Regional Priority Target List (RPTL); og gi ila nga si alyas “Titing,” 42 anyos ug nag puyo sa nahisgutan nga barangay. Ang operasyon gi organisa sa Ormoc City Drug Enforcement Unit (CDEU) kauban ang Ormoc City Police Station 4-Drug Enforcement Team (OCPS4-DET) nga nakig koordinasyon sa Philippine Drug Enforcement Agency 8 (PDEA-8).
Na kompiska gikan sa suspek ang mosunod; tolo (3) ka heat-sealed transparent plastic sachet nga dunay sulod sa gidudahang shabu, usa (1) ka brown coin purse, ug usa (1) ka genuine nga PHP500.00 isip buy-bust money.
Ang na kompiska nga ebedinsyang drugas gidala sa Regional Crime Laboratory Office, sa Camp Kangleon, Palo, Leyte para sa Chemical Examination. Gi pasabot si alyas “Titing” sa iyang katungod sulod sa Miranda Doctrine. Dayon gidala na siya sa OCPS-4 alang sa kustodiya. Kasohan ang suspek kontra RA No. 9165, o ang Comprehensive Dangerous Drugs Act of 2002. Ni Josie Serseña (EV Mail November 11-17, 2024 issue)
