ORMOC CITY – Libri nga taoran sa LEYECO V og koryenti ang kapin sa onse mil (11,500) ka balay isip kabahin sa lakang nga maka baton sa elektrisidad ang mga kabalayan hangtod sa pinaka suok nga lugar o ang gitawag nga total electrification. Katambayayong sa programa ang LGU og BFP. 

Ang liboan ka mga household nga sakop LEYECO V mao kadtong matawag nga kabus nga residenti sa Ormoc City, Merida, Isabel, Palompon, Matag-ob, Kananga, Tabango, San Isidro, Calubian, og Leyte. Nasayran gikan sa LEYECO V nga kini nga programa ubos sa Department of Energy (DOE) pinaagi sa National Intensification on Household Electrification.

Gidamhan nga ubay-ubay na unya ang hayag nga komunidad kay human mahatag ang house wiring kits isunod na dayon ang pag energize niini. Ang mga benepisyaryo kinahanglan lang maka komplito sa papeles o dokumentasyon pag matuod nga wala silay ika sarang pag gasto para sa pag pataod ug koryenti; og angayan silang tabangan sa gobierno. Limitado lang sa duha ka suga ang desinyo sa programa, og may libri nga 30 metros nga service wire gikan sa poste paingon hangtod sa balay. Og kon mosobra o taas pa ang distansya mahimong maka gasto ang aplikante sa hinay-hinay nga paagi. Kini ug uban pang mga programa sa kooperatiba ang gipasabot atul sa mga pagbisita sa LEYECO V didto sa kabarangayan sama sa “One-Stop Shop Program.” Ni Josie Sersena (EV Mail Feb. 6-12, 2023 issue)